2025-жылдын жыйынтыгы менен Жайыл району боюнча жүргүзүлгөн баалоонун негизинде Талды-Булак айыл өкмөтү “Эң мыкты айыл өкмөтү” наамына ээ болду.
Бул жетишкендик социалдык-экономикалык өнүгүү, калк менен тыгыз иш алып баруу, инфраструктураны жакшыртуу, бюджеттик каражаттарды максаттуу пайдалануу, ошондой эле билим берүү, саламаттык сактоо жана социалдык коргоо тармактарындагы аткарылган иштердин жыйынтыгында берилди.
2025-жыл ичинде айыл өкмөт тарабынан:
- ички жолдорду оңдоо жана инфраструктураны өнүктүрүү;
- билим берүү жана мектепке чейинки мекемелерди колдоо;
- спорттук жана маданий объектилерди жакшыртуу;
- социалдык жактан аяр катмарларды колдоо;
- жашоочулар үчүн ыңгайлуу шарттарды түзүү боюнча бир катар маанилүү иштер аткарылды.
Бул ийгилик — айыл өкмөтүнүн кызматкерлеринин, депутаттардын, коомдук активисттердин жана жергиликтүү тургундардын биргелешкен эмгегинин жыйынтыгы.
Талды-Булак айыл өкмөтү мындан ары да аймактын өнүгүүсү жана калктын жашоо шартын жакшыртуу багытында ишин улантат.